PREVENSHON PA UN ATRACO ARMA (Commercial)
Un atraco arma ta keda peligroso pa tur hende involvi y tin den average un duracion di mas o menos 2 pa 3
minuut. Bo tin di puntra bo mes kiko lo bo haci si e minuutnan aki tabata ultimo minuutnan di bo bida?
Bo prioridad number 1 den cualkier crimen ta: "Bo Seguridad Personal"
- Si e atracado ta kier plaka of bo cartera of otro pertenencia, dune! No ta bale la pena pa bo ser herida of
herida cu consequencia cu bo ta fayece. Ningun hende ta pensa cu nan por bira victima di atraco.
- Pensa ariba un atraco prome cu esaki sosode. Crimen cometi contra negoshinan hopi biaha ta pasa door
di cu tin e oportunidad pa esaki tuma lugar! Y si bo duna oportunidad door di no tuma medida di
prevenshon, tin hopi chance cu esaki lo por tuma lugar.
- Traha un plan di kiko pa haci prome, durante y despues di un atraco. Regularmente controla si cumpli e
proceduranan segun e plan.
Descurasha atracadornan!
Kiko pa haci prome:
- LUZ: Instala bon lus tanto paden y pafor di bo negoshi.
- LIMPIESA: Tene bo negoshi limpi y organiza.
- RUTA DI ESCAPE: Elimina rutanan di escape of lugarnan di sconde pa un atracador
- VISIBILIDAD: No stroba of tapa e glasnan of porta di bo negoshi cu propagandanan, stickers, posters etc!
Mantene un maximo visibilidad tanto di pafor pa paden y visa versa.
- TRAINING: E mihor defensa contra atraco arma ta pa bo haci bo empresa y empleadonan mas conciente
ariba seguridad. Empleadonan y bo mes mester sa e responsabilidad prome, durante y despues di un
atraco.
- ATENTO: Keda alerta tur momento, tira bista ariba movenshonan sospechoso of hendenan cu ta wak bo
negoshi. Saluda y haci "eye contact" cu tur hende cu ta drenta bo negoshi.
- CASH CONTROL: Tene un montahe minimal. Usa un "Drop Safe" si ta posibel. Saca plaka di venta
frequentemente y nunca conta plaka cash na of den vecindario di cahera.
- CAHERO(A): Esaki mester mas central posibel caminda e por wordo mira facilmente tanto pa cliente y
otronan pasando.
- RUTA PA BANCO: Usa diferente ruta y horarionan di deposit. Of usa diferente servicio di companianan di
courier pa haci deposits.
- DOS PERSONA: usa dos persona na momento di habri of cera bo negoshi. Asinan aki por tira bista ariba
otro y tambe vecindario. Usa un senjal di acorda den ambos na momento cu tur cos ta OK!
- AVISO: Pone aviso cu atraco ta castigabel y cu den bo negoshi bo tin un minimo di plaka cash. Pone
Marca di di estatura na porta. Esaki ta pa bo tin un idea di e estatura di e persona.
Kiko pa haci durante:
- KEDA CALMO: Laga e atracador sa cu bo ta coopera.
- No haci moveshonan diripiente.
- Observa mas tanto posibel e fisico di e atracador, manera canamento etc y tambe e accento cu e ta
comunica.
- Avisa e atracador di moveshonan comun manera: tin trahador den storeroom, bo ta sperando delivery of
bo ta sperando ariba un cliente etc. Esaki ta pa e atracador no haja su mes cu sorpresa y inocentenan
por wordo herida.
- Haci loque ta ser bisa! No discuti. Comunica corto y simpel
- Give up: Duna e atracador e plaka den un forma normal mescos cu un transaccion normal.
- NO Pensa di tuma accion! Corda cu si e atracador tin un arma visibel of no, bo mester trata mescos cu e
ta arma y cu e tin e control di e situacion. Y cu e no ta basila pa use. No bringa cune of purba di usa un
arma contra dje, violencia ta pone tur hende nan bida na peliger mas ainda.
- Alarm: Tempo pa primi e boton di alarma ta na momento cu e atracador(nan) a bandona e negoshi.
Kiko pa haci despues:
- No Persigui! No sigi of core tras di e atracador! pero primi e boton di "Hold Up Alarm"
- Observa e fisico, canamento y e manera particular cu e por tin.
- Recorda ki arma a wordo usa.
- Corda e routa di escape di salida cu e a tuma y con e a move for di e sitio; typo di vehiculo, marca, model
y color. E si tin algo particular na e auto. Esakinan ta hopi importante pa polis.
- Raporta inmediatamente na polis y duna mas informashon posibel te ora polis jega
- Cera e lugar y proteha e sitio di e suceso.
- Separa trahadornan for di clientenan. No laganan discuti ariba e atraco te ora polis jega.
- Laga nan como testigo scirbi ariba papel loque nan a observa.
- Coopera cu autoridad. No menshona e suma cu a ser horta cu ningun otro hende cu no ta polis.
|
